Иванченко Валериан (Вова) Фиодр-иҧа

Иванченко Валериан (Вова) Фиодр-иҧа

(02.11.1943 - 28.12.1992)

Иванченко Валериан Фиодр-иҧа диит 1943 шықәса абҵара 2 рзы, Очамчыра араион Баслахә ақыҭан, анхаҩы иҭаацәараҿы. Валериан аҵара иҵон иқыҭа гәакьаҿ. Ашкол даналга, аус иуан Тҟәарчал ателеҟазарҭаҿы, анаҩсан дхынҳәуеит Баслахәҟа. Валериан аррамаҵура қәҿиарала даналга нахыс, аҭаацәара далалоит. Иара драбын жә-ҩык ахшара, 4-ҩык аӡҕабцәеи, 5-ҩык аҷкәынцәеи. Аибашьра ианалагаз раҧхьатәи амшқәа инадыркны, иҧацәа хҩыки иареи рыҧсадгьыл ахақәиҭтәразы еибашьуан Баслахәтәи абатальон аҿы. Ҩыџьа иҧацәеи иареи рыҧсадгьыл рхы ақәырҵеит. Иара ианашьоуп “Агәымшәаразы” амедал.

Back to the list