Ҳаҭыр зқәу аҩызцәа!
Баслахә қыҭа ҧшӡоуп, қыҭа беиоуп, адгьыл барақьаҭуп. Ишьҭоуп Аалӡга аҧшаҳәаҿы. Ақыҭа иараионтә центруп ақалақь Очамчыра. Баслахә ақыҭа иамоуп иара ахатәы ҭоурых. Уи ианымҧшыр залымшеит Аҧсны имҩаҧысхьоу ахҭыс дуқәа зегьы. Ақыҭа иамоуп иара Афырхацәа, аҵарауаа, аҟазацәа. Ақыҭа аҭоурых, иара убас аинтерес зҵоу аҟәшақәа шәзаатуеит асаит иаҭаауа зегьы. Ҳара хықәкыс иҳамоуп ҳҭоурых аиқәырхара.
Бзиала шәаабеит!
Ахҭысқәа
Ашықәс Ҿыц
Декабр 28 рзы, Ҷ. Р. Хьиба ихьӡ зху Баслахәтәи абжьаратә школ аҟны имҩаҧган ашықәс ҿыц иазкыз аныҳәа.
Аныҳәа аалыртит ашкол адиректор Асида Ҧачлиа-ҧҳа. Лара еизаз ирыдлныҳәалеит иааиуа Ашықәс ҿыц. Ирзеҕьалшьеит аманшәалареи аамҭа бзиеи.
Анаҩыс, арахь иааҧхьаз аҭаацәеи арҵаҩцәеи идырбан ашколхәыҷқәа рымчала еиҿкааз ақәгылара. Ахәҷқәа ирыҧхьеит Ашықәс ҿыц иазкыз ажәеинраалақәа, ирҳәеит ашәақәа. Иара убас, раҧхьаӡакәны аҽны асцена иқәгылеит ашкол аҟны иаарту акәашаратә кружок иалоу ахәыҷқәа. Аныҳәа иалахәыз Аҵаа Бабадуи Асҭыҧҳаи ахәыҷқәа аҳамҭақәа рзыршеит.
Ҿаанбзиала!